حكاياتي

فارس الاحلام

حلم كل واحد فينا سوا كانت بنت او ولد, بس السوال المهم حد فينا قابل فارس الاحلام اللى هو رسمه فى خياله من صغره؟

طب لو مكنتش قابلته قابلت حد شبه منه؟ .اعتقد ان كل واحد مننا بيبحث عن الحب من صغره وبيرسم 

فى خياله صفات للى هيحبه سوا شكله صفاته اسلوبه كل حاجه عشان هو لسه مقبلهوش ولا حتى 

شافه 

بس لما الواحد بيقابل حد بيحبه وبيخاف عليه بس مفهوش اى حاجه من الصفات اللى هو رسمه فى 

خياله بيحبه ومش بس كده دى اول كلمه بيقولها هو ده اللى انا كنت بحلم بيه بالرغم انه ميعرفش هو

كان بيحلم بايه وكل اما الشخص اللى قدامك يحبك اكتر واكتر ويخاف عليك تقنع نفسك 100% ان ده 

الشخص المناسب وفارس الاحلام .واه لو زعلتم من بعض او انفصلتم تبدا تطلع فيه كل العبر ومش بس

كده ده انت تفضل تسأل نفسك هو ان حبيته على ايه؟وازاى حبيته اصلا انا شكلى كنت اهبل ؟

بس انا عايز اقول ان الفكره مش فى فارس الاحلام "هو مين؟ او ابن مين؟ وشكله ايه؟ الفكره فى 

الحب انت لو حبيت حد بجد ومن قلبك واخلصت فى حبك للى قدامك واللى قدامك حبك من قلبه وخاف 

عليك وحسسك بالامان وعوضك عن حاجات كتير انت محتاجها هيبقى هو ده فارس الاحلام بجد هو ده

اللى انت بتحلم بيه مش شكل أيه ؟ ولا عنده ايه؟ ولا ابن مين؟ الفكره هو بيحبك قد ايه ومستعد يعمل 

ايه عشانك وعشان يسعدك"

وترضى وتقتنع ان ده نصيبك واحسن حد ليك وهو الشخص المناسب صدقنى هتعيش سعيد لان الرضا ده اهم حاجه فى الدنيا

"ارضى بما قسمه الله لك تكن اغنى الناس"